काठमाडौं– नेपालका ७७ जिल्ला मध्य शनिबारसम्म ७ जिल्ला मात्र कोरोना भाइरस संक्रमित देखिएका छैनन् ।
शनिवार डोल्पा र जाजरकोटमा पनि संक्रमण पुष्टि भएपछि नेपालका ७० जिल्लामा कोरोनाको संक्रमण फैलिएको हो । स्वास्थ्य तथा जनसंख्या मन्त्रालयकाअनुसार अहिलेसम्म संक्रमण नदेखिएका ७ जिल्लामा प्रदेश १ का दुई जिल्ला, बागमती प्रदेशको १, गण्डकीका २, प्रदेश ५ को १ र कर्णालीका १ जिल्ला रहेका छन् ।
प्रदेश १ का १४ जिल्लामध्ये इलाम र ओखलढुंगा मात्र अब कोरोना भाइरसको संक्रमित देखिएका छैनन् ।यस्तै बागमती प्रदेशको १३ जिल्लामध्ये रसुवा, गण्डकी ११ जिल्लामध्ये मनाङ र मुस्ताङ, प्रदेश ५ को १२ जिल्लामध्ये रोल्पा तथा कर्णाली प्रदेश रुकुम पश्चिममा कोरोना संक्रमित भेटिएका छैनन्।
हालसम्म नेपालका ७० जिल्लामा गरी कूल ३ हजार २३५ जनामा कोरोना संक्रमण पुष्टि भएको छ । जसमध्ये १३ जनाको मृत्यु भएको छ भने ३६५ जना निको भएर घर फर्किएका छन् ।
0 Comments:
Post a Comment